பச்சை பட்டாணி சுண்டல்

ஊற வைத்த பச்சை பட்டாணி: 1 கப்
முளைக்கட்டிய பச்சைப் பயிறு: 1/2 கப்
இஞ்சி : 1 பெரிய துண்டு
பச்சை மிளகாய் : 1
மல்லித்தழை
உப்பு: தேவையான அளவு
தேங்காய் துருவியது : 2 மேஜைக்கரண்டி
கடுகு: தாளிக்க
கருவேப்பிலை:1 கொத்து
பெருங்காயம் : 1 பின்ச்

பச்சை பட்டாணி, பச்சைப்பயிறு இரண்டையும் குக்கரில் உப்பு,போதுமான தண்ணீர் சேர்த்து வேகவைக்கவும்.
இஞ்சி, பச்சை மிளகாய் மிக்சியில் ஒரு சுத்து சுத்தி அரைக்கவும். மல்லித்தழையைப் பொடியாக நறுக்கி வைக்கவும்.
வாணலியில் எண்ணெய் காய்ந்ததும் கடுகு, கருவேப்பிலை,பெருங்காயம்,அரைத்த பச்சைமிளகாய் இஞ்சி கலவை, கொத்தமல்லி தழை,உப்பு சேர்த்து ஒரு நிமிடம் பிரட்டி தேங்காய் சேர்த்து சிறிது வதக்கி வேகவைத்த பயிறு வகைகளைச் சேர்த்து நன்கு கலந்து இறக்கி வைக்கவும்.
சுவையான கிரீன் சுண்டல் தயார்.